إضافة الكورسات في رقمي LMS هي خطوة أساسية عشان تقدر تبدأ تدي محتوى تعليمي للطلاب بشكل منظم وسهل. في البلوج ده هنتكلم عن طريقة إضافة الكورسات بكل بساطة، وهنتعرف على طرق تخصيص المحتوى عشان يكون أكتر تفاعلًا مع الطلاب. سواء كنت مستخدم جديد أو حد عايز يستخدم المنصة بشكل احترافي، هتلاقي إن إضافة الكورسات على رقمي LMS سهلة وسريعة، وهتساعدك تنظم دروسك بشكل محترف وتديرها بشكل فعال.

1. فتح لوحة تحكم المعلم:

عشان تظهر لك لوحة تحكم المعلم، هتضغط على الصورة الشخصية بتاعتك في الزاوية العلوية من الصفحة. بمجرد ما تضغط عليها، هتظهر لك قائمة تشمل الخيارات المختلفة ومنها خيار "لوحة تحكم المعلم "

 

بعد ما تفتح لوحة تحكم المعلم، هتلاقي في الجانب الأيمن من الصفحة خيار "إنشاء دورة". هتضغط عليه علشان تبدأ في إضافة الكورس الجديد.

 

2.إضافة عنوان الكورس:

بعد ما تفتح لوحة تحكم المعلم، هتختار "إضافة الدورة". في الصفحة اللي هتظهر قدامك، هتلاقي خانة خاصة لإضافة عنوان الكورس. زي مثلاً "شرح الأدب كاملاً". هنا بتكتب عنوان الكورس بشكل واضح عشان الطلاب يعرفوا المضمون اللي هيتعلموه.

 

3.إعداد الكورس:

دلوقتي بعد ما ضفنا عنوان الكورس، هننتقل لمرحلة إعداد الكورس. في الخطوة دي، هتقدر تضيف وصف تفصيلي للكورس عشان توضح للطلاب محتوى الدورة بشكل أفضل. زي مثلاً: " في المحاضرة دي هنشرح الادب كاملا  من البداية الي النهاية ".

كمان هتحدد إذا كان الكورس مدفوع أو مجاني. لو الكورس مدفوع، هتضيف السعر المناسب ليه، ولو كان مجاني، هتختار الخيار الخاص بالكورسات المجانية.

 

4. إضافة صورة وتحديد الفئة:

في الخطوة دي، هتقدر تضيف صورة مميزة للكورس، وكمان، هتقدر تنسب الكورس لفئة معينة. يعني لو الكورس موجه لطلاب تخصص معين أو لمجموعة معينة، تقدر تحدد الفئة دي عشان الكورس يظهر لهم بس، وده بيخلي الكورس موجه أكتر للأشخاص المناسبين.

 

5.اعدادات اضافية:

دلوقتي بعد ما ضفنا المعلومات الأساسية زي عنوان الكورس والشرح وكمان صورة للكورس، بيجي دور الإعدادات الإضافية. أول حاجة هي تحديد إذا كان الكورس مميز أو لا. لما الكورس يكون مميز، هيظهر في الصفحة التعريفية بتاعتك زي ما واضح في الصورة اللي تحت.

 

ثاني حاجة هي تحديد الهدف من الكورس، أو بمعنى تاني "ماذا سنتعلم؟" في الفقرة دي هتكتب الحاجات اللي المفروض الطالب يكون عارفها تمام بعد ما يخلص الكورس.

الحاجة التالتة هي التقييمات وعدد المتابعين للكورس. طبعاً ممكن تسيبهم زي ما هم عشان يظهر العدد الحقيقي للمتابعين والتقييمات، أو تقدر تعدلهم وتحطهم بالطريقة اللي تعجبك.

 

 6.إضافة اقسام للكورس:

في الخطوة دي، هتقدر تضيف فقرات مختلفة عشان تقسّم الكورس وتنظمه بشكل أفضل. الفقرات دي بتساعد في تقسيم المحتوى الكبير إلى أجزاء أصغر وأسهل للفهم.

 

7.إضافة فصول للكورس:

في الخطوة دي، هتقدر تضيف فصول داخل الفقرات عشان تقسّم المحتوى بشكل أكتر تفصيلًا. لو الفقرة فيها أجزاء كتير أو محتوى معقد، تقدر تقسيمها إلى فصول صغيرة لتسهيل المتابعة. على سبيل المثال، لو عندك فقرة "شرح الأدب"، ممكن تضيف فصول زي:

• الفصل الأول: مقدمة عن الأدب.
• الفصل الثاني: أهم مدارس الأدب.
• الفصل الثالث: تطبيقات ومناقشات.

 

8. إعداد الفصول:

دي أهم خطوة في إعداد الكورس، لأنك هنا هتقدر تضبط كل تفاصيل الفصول. في الخطوة دي:

إضافة الوصف:  هتقدر تضيف وصف لكل فصل عشان توضح للطلاب محتوى الفصل بالتحديد.

تحديد الدفع: لو حابب تخلّي جزء من الكورس مدفوع وجزء مجاني، تقدر تختار الفصول اللي هتكون مدفوعة والفصول اللي هتكون مجانية.

تخصيص الفصول للاختبارات: لو حابب تخصص فصل للاختبارات، تقدر تحدد فصل من الفصول بحيث يكون عبارة عن اختبار أو تقييم للطلاب بعد ما يخلصوا المقررات، وده هيكون خطوة مهمة في متابعة تقدم الطلاب.

كل التفاصيل دي هتساعدك في تنظيم الكورس بشكل أفضل بحيث تقدر تتحكم في المحتوى المدفوع والمجاني وتنظم التقييمات بشكل احترافي.

 

9. إضافة المحتوى:

في الخطوة دي، هتقدر تضيف المحتوى التعليمي للفصول. في رقمي LMS، عندك خيارين لإضافة المحتوى:

إضافة فيديو من يوتيوب أو أي منصة: لو عندك فيديوهات على يوتيوب أو أي منصة تانية، تقدر تضيف الرابط بتاع الفيديو في المكان المخصص.

رفع الفيديو من جهازك: لو الفيديو مش موجود على الإنترنت، تقدر ببساطة ترفع الفيديو من جهازك مباشرةً على المنصة.

 

10. نشر الكورس:

بعد التأكد من نشر جميع الفصول، هتضغط على زر "نشر" عشان الكورس يبقى مرئي للفئة المحددة اللي اخترتها قبل كده. بمجرد نشر الكورس، هيكون متاح للطلاب المسجلين في الفئة دي.

 

وبكده، بعد ما تخلص كل الخطوات من إضافة الكورس، تنظيم الفصول، إضافة المحتوى، وأخيرًا نشر الكورس، هيبقى الكورس جاهز للطلاب ويظهر لهم بكل وضوح ضمن الفئة المحددة.